Пинк заради обожавателка на кратко го прекина концертот: „Држи се, се ќе биде во ред“

Познатата пејачка Пинк го прекина концертот во Австралија. Имено, пејачката моментално е на светската турнеја „Summer Carnival“ која ја започна минатата година на 7 јуни 2023 година во Болтон, Англија, а ќе заврши на 23 ноември 2024 година во Мајами. Пинк среде „Our song“ забележала дека една бремена обожавателка ја носат лекарите. Пејачката им рекла на колегите од бендот да престанат да свират. Откако дознала дека трудницата набрзо ќе се породи, многу ја интересирал полот на бебето. „Дали тоа ќе биде Алиша или Алекс?“, прашала 44-годишната девојка, навестувајќи дека обожавателот може да го именува детето по неа бидејќи нејзиното вистинско име е Алесија Бет Мур.

„Ова е толку возбудливо. Не знам ни што да кажам. Сепак, мора да продолжиме да пееме. Среќно со раѓањето, ќе биде одлично“, извика воодушевената Пинк.

Имено, ова не е прв пат познат поп пејач да прекине концерт. На свирка во Бризбејн во 2018 година, тинејџерката Леа Марфи носеше транспарент на кој пишуваше: „Моето име е Леа и имам 14 години. Ја изгубив мојата прекрасна мајка минатиот месец. Би сакала да се прегрнам… Те молам“. Имено, 14-годишната девојка требало да оди на концерт со нејзината мајка, но таа починала пред тоа.

Откако го видела тоа, Пинк била толку трогната што прво го прочитала гласно, а потоа се спуштила во публиката и го прегрнала девојчето, што ја воодушевило Леа како и многубројните обожаватели.