Починал таткото на Џенифер Гарнер: Глумицата се прости со емотивни зборови

Актерката Џенифер Гарнер се соочува со тажна семејна ситуација. Имено, почина нејзиниот татко Вилијам Џон Гарнер.

Џенифер (51) вчера ја сподели тажната вест на Инстаграм и му посвети неколку реченици на својот татко заедно со заеднички фотографии.

– Татко ми почина мирно во саботата попладне. Бевме со него, пеејќи Amazing Grace. Иако нема трагедија во смртта на 85-годишен маж кој живеел здрав, прекрасен живот, знам дека тагата е неизбежна, чекајќи по неочекувани ќошиња. Денес е ден за благодарност“.

Гарнер, која порасна во Западна Вирџинија со нејзината мајка Патриша Ен Гарнер и двете сестри Мелиса и Сузана, рече дека нејзиното семејство е „благодарно за нежното однесување и тивката сила на тато“.

– Благодарни сме за неговата работна етика, лидерство и верба. Благодарни сме на медицинските заедници на медицинскиот центар Чарлстон и Сити оф Хоуп. Вашата грижа му го продолжи животот на тато и му даде време да биде во неговите омилени места – опкружен со ќерките и внуците, навивајќи за неговата сакана Аги, а најмногу од сè – покрај неговата сопруга, нашата мајка.