РАСТЕНИЕ ВРЕДНО ЗЛАТО: Што се случува во телото кога користиме ловоров лист во исхраната

Ловорот ја намалува надуеноста, помага при проблеми со варењето и затоа е зачин кој треба почесто да се користи при подготовка на храната.

Зимзеленото ловорово стебло е карактеристично за Медитеранот, а неговите листови се незаменлив зачин во разни сосови, чорби. Се користат неговите свежи и суви листови. Во комбинација со мајчина душица, тој е одличен зачин за речиси сите супи, сосови, маринади, паштети и месни јадења.

Покрај тоа што е одличен зачин за вакви јадења, ловорот има и лековити својства, поради што треба да го имаме во домашната аптека. Неодамнешните научни истражувања ја покажаа ефикасноста на екстрактот од ловор во заздравувањето на раните, а помалку е познато дека го намалува нивото на хормоните на стрес во организмот, но помага и при менструални болки и може да поттикне редовна и нормална менструација.

Ловорот исто така ја намалува надуеноста, помага при проблеми со варењето, па затоа е зачин кој дефинитивно треба почесто да го користиме при подготвувањето на оброците. Се користи во народната медицина и за бронхитис. Луѓето кои страдаат од овој проблем треба да стават облоги потопени во вода во која е сварен ловор.

Листовите од ловор се богати и со витамини А и Ц, како и со минералот цинк, кои играат важна улога во одржувањето на силен и здрав имунитет и ја зачувуваат здравата слузница на очите, носот, устата, грлото, белите дробови и дигестивниот систем. Ова растение има антибактериски и антивирусни својства, како и антисептички и антигабични својства, поради што се користи и како природен антисептик.

Ловоров лист против кујнски молци

Ако сакате да спречите кујнските молци да ви ја уништат храната и да се вовлечат во брашно, ориз, гриз и слично, распоредете свежи, чисти ловорови листови околу шкафовите во кујната. Можете да ги ставите во кеси од газа и да ги закачите или едноставно малку да ги исушите. Ќе штитат неколку месеци. Кога ќе го изгубат својот препознатлив мирис, заменете ги со нови.