Јајца и намалена анксиозност: Постои ли врска?

Кога сме изложени на стресни ситуации, нашето тело ослободува хормони како што се адреналин, допамин, норадреналин и кортизол. Стресот е тригер за многу болести, а доколку е хроничен, влијае дури и на нивото на белите крвни зрнца, што не прави поподложни на вируси и бактерии. Психофизичкото здравје е нарушено, а со тоа се зголемува и стресот, со можна анксиозност. Правилната исхрана е од големо значење за борба против овие предизвици.

Јајцата се природен извор на неколку видови витамини, минерали, амино киселини и антиоксиданси корисни за добар одговор на стресот. Некои студии ги испитуваа позитивните ефекти од консумирањето јајца врз менталното здравје и резултатите се ветувачки. Инаку, жолчките се богати со холин, микронутриент кој не го содржи секоја храна и кој се смета дека е вклучен во разградувањето на холестеролот. Покрај тоа, тoa е исто така кориснo за пренос на нервните импулси, особено оние кои придонесуваат за когнитивната функција и спречување на губење на меморијата во подоцнежните години од животот.

Одредени студии на животни го докажаа благотворното дејство на холинот во подигнувањето на расположението и борбата против стресот.