Пејачот бил пуштен од ургентниот центар каде вчера итно бил хоспитализиран, дознава Informer.
Аца Лукас вчера итно бил примен во Ургентниот центар со висока температура и други поплаки, поради што е задржан на прегледи. Како што дознаваме од добро упатени извори, Лукас имал температура над 40, но и покачен CRP (протеин во крвта кој реагира со растот во случај на акутен воспалителен процес во телото).
По прегледите тој го напуштил Ургентниот центар, а според информациите пејачот има проблеми со бубрезите и простатата.
-Се обидовме да контактираме со фолкерот, како и со неговиот менаџер Саша Мирковиќ, за да ги потврдиме овие наводи, но до објавувањето на овој текст не беа достапни за коментар,изјавија од Informer.
Да потсетиме, пред да биде објавена веста дека Аца Лукас е примен во Ургентниот центар, неговото раководство ги откажа сите планирани настапи.
– Почитувани,во име на Александар Вуксановиќ и во име на Hype продукција, ве известувам дека концертите на Аце Лукас ќе бидат откажани или одложени во следните неколку дена поради неговата здравствена состојба. Сите со нетрпение го очекуваме неговото брзо закрепнување и продолжувањето на турнејата. P.S За да не се шпекулира, станува збор за висока температура предизвикана од силна настинка, бидејќи Аца имаше повеќе од 30 настапи во претходните 60 дена и му падна имунитетот – изјави Мирковиќ.