Рано утринава Јелена Карлеуша и пријател нападнати од Душко Тошиќ, ја влечел за коса и ја удрил по глава

Српската пејачка Јелена Карлеуша вчера рано наутро околу 5:15 часот пријавила во полиција дека била нападната од нејзиниот сè уште законски сопруг Душко Тошиќ, кој по приведувањето во полициска станица бил подложен на алкотест и имал 0,87 промили алкохол

Како што дознава „Курир“, Карлеуша сè уште не отишла во полиција, но рекла дека мора прво да се консултира со некого околу понатамошните чекори. Исто така, сегашниот став на пејачката е дека засега не сака ништо да пријави и влегува во понатамошни процедури во врска со случајот со семејното насилство.

По пријавата, полицијата веднаш излегла на терен каде ја затекнала пејачката со нејзиниот пријател Н. Ј. Тие рекле дека Тошиќ дошол во куќата од која има клуч, а како што навеле, очигледно бил под дејство на алкохол, па го фатил за врат пријателот на Јелена и го удрил неколкупати по главата и телото, дознава „Курир“.

Карлеуша се обидела да ги раздвои, но Душко во таа прилика ја повлекол Јелена за коса и ја удрил неколкупати по главата и телото.

Како што дознава „Курир“, Јелена нема видливи повреди на телото, додека нејзиниот пријател има гребаница во пределот на брадата и вратот. За оваа пријава Тошиќ дополнително ќе даде изјава во полиција.