Ријана со години нема објавено нови песни или концерти (освен настап на свадба на тајкун во Индија), но претходно вети дека ќе има нови песни во иднина. Меѓутоа, по видеото кое се прошири на социјалните мрежи, фановите на Ријана се сомневаат дека таа ќе го исполни ветувањето.
На настан за нејзиниот бренд Fenty Beauty, Ријана зборуваше за својата музичка кариера и навести дека наскоро би можела да се повлече од музичката индустрија.
– Музиката беше она што привлекуваше внимание, но Господ имаше други планови за мене – рече пејачката, а потоа продолжи:
– Успеав да создавам на начини кои беа многу искрени и оригинални, органски и автентични за работите што ги сакам. Така што воопшто не се чувствува како работа.
rihanna last night:
“music was the thing that got the attention, but god had other plans for me” she is gone 😭 pic.twitter.com/3fop9I25jz
— 𝖌𝖆𝖇 (@gabgonebad) November 8, 2024
Откако видеото од настанот почна да кружи на социјалните мрежи, обожавателите на пејачката го коментираа нејзиното потенцијално пензионирање, барем што се однесува до музиката.
„Таа се обидува да ви каже дека нема да има нови песни“, „Музиката не е нејзиниот фокус“, „Мораме да прифатиме дека таа повеќе не е пејачка, таа е бизнисменка која порано беше пејачка“, „Ријана никогаш не сакала музика, мора да разберете дека тоа беше нејзината работа“, „Жал ми е, но не можам повеќе да го слушам ова, само кажи дека нема да го издадеш албумот“, коментираат нејзините фанови.
Ријана, родум од Барбадос, на 16-годишна возраст се преселила во САД и ја започнала својата кариера. Во 2005 година, таа го издаде својот прв студиски албум Music of the Sun, кој стигна до првите десет на Билборд 200. За помалку од една година го издаде својот втор студиски албум, A Girl Like Me, кој дебитираше во првите пет. во Соединетите Американски Држави.
View this post on Instagram
Нејзиниот трет студиски албум Good Girl Gone Bad беше објавен во мај 2007 година. Тој албум беше номиниран за девет Греми награди, од кои освои една. Четвртиот студиски албум Rated R беше издаден во 2009 година, а петтиот албум Loud беше објавен следната година.
Таа го издаде шестиот албум Talk That Talk во 2011 година, а седмиот албум Unapologetic беше објавен во 2012 година. Четири години подоцна беше објавен нејзиниот осми и досега последен албум Anti.