Потребни состојки:
1 кг. Срнечко месо
1 кг. Кромид
1 црвена пипера
1 домат
2 лажици лутеница
1 лажица босилек
1 пакување макарони
2 лажички вегета
Сол и црн пипер
Припрема:
Исецкајте го срнечкото месо на коцки и ставете го во посебен сад. Во друг сад промешајте 100 мл. масло за јадење со вегетата и босилекот и со оваа смеса прелијте го срнечкото месо и промешајте. Оставете го месото на отстои цела ноќ во фрижидер.
Исецкајте го кромидот и ставете го во тава на оган со загреано масло. Откако ќе се пропржи, додадете вода и донстајте 10тина минути. Потоа додадете го срнечкото месо и динстајте еден час, а повремено додавајте вода и промешувајте.
Во меѓувреме сварете ги макароните во солена вода, па процедете ги и тргнете ги настрана.
По еден час додајте ја црвената пиперка и доматот кои сте ги исецкале на коцки и промешајте и оставете смесата малку да се запржи. Додајте ја лутеницата, промешајте и додадете вода по потреба. Гответе уште 20тина минути.
Во чинија за сервирање ставете ги макароните, а одозгора со лажица додадете од гулашот со срнечко месо. Добар апетит!