Потребни состојки:
- 2 кесички пудинг од ванила
- 2 лажици брашно
- 2 лажици густин
- 100гр шеќер
- 1л млеко
- 250гр путер
- 150 гр излупени кајсии
- 150гр исчистени цреши
- 100гр чоколадо
- 700гр бисквити
- Сок од два портокали
Начин на подготовка:
Содржината од кесичката пудинг од ванила, брашното, густин и шеќер се матат со малку млеко. Останатиот дел од мелкото ставете го да се вари, тргнете го од оган, истурете го разматениот пудинг и со постојано мешање варете околу две минути. Во оладениот крем додадете пенасто изматен путер и со миксер изматете. Поделете го на три дела. Во првиот дел додадете изматени кајсии, во другиот дел вишни, а во третиот изрендано чоколадо. Бисквитите натопете ги во сок од портокал и наредете ги на дното на тавата. Преку нив ставете крем со вишни, повторно наредете бисквити и на нив додадете го кремот со чоколадо, повторно наредете бисквити и на крајот премачкајте со крем од кајсии. Украсете со овошје.