Потребни состојки:
- 250гр ориз
- 6 лажици шеќер
- 500мл млеко
- Пудинг од ванила
- 150гр кајсии
- 1л вода
За декорација:
- 300гр исчистени кајсии
- 50гр шеќер
- 100мл вода
Начин на подготовка:
Оризот со водата варете го додека не омекне, и скоро целата вода да испари. Пудингот изматете го со малку млеко. На оризот додадете шеќер и разматениот пудинг. Варете на тивок оган и постепено додавајте млеко се додека не добиете соодветна густина. За поредок сутлијаш додадете повеќе млеко. Сутлијашот, додека е сеуште топол, истурете го во пирамида калапи и оставете да се олади. Ставете да се вари шеќер со вода, па додадете кајсии исечени на парчиња. Кратко варете и оладете. Оладениот сутлијаш извадете го од калапот и послужете го прелиен со варени кајсии.