Потребни состојки:
– 2 главици кромид
– 3 чешниња лук
– 12 помали пилешки копанчиња
– сол, бибер
– 3 лажици масло
– 2 лажици кари
– 2 лажици соја сос
– 400 мл вода
– 50 гр неутрална павлака
– и чили по желба
Подготовка:
Излупете ги и исекајте ги кромидот и лукот.
Месото убаво измијте го, избришете го и зачинете го со сол и бибер. Испржете го во тава, убаво од сите страни, се додека не зарумени и не стане крцкаво. Потоа извадете ги копанчињата, и во истото масло ставете ги кромидот и лукот да се пропржат. Ставете го карито и соја сосот. Налијте ја водата и промешајте. Оставете нека се крчка 25 минути и поклопете. Потоа ставете ја павлаката и промешајте. Доколку јадете луто, ставете и малку чили. Со овој сос прелијте ги копанчињата.