Познато е дека солените пуканки се најпосакуваните намирници кои го комплетираат гледањето на секој филм, било во кино или дома. Но, благите пуканки прелиени со карамел или чоколадо завладеаа со американскиот, но се почесто и нашиот пазар.
Ако го сакате спојот на благо и солено, ќе обожавате пуканки во десертите како што се чизкејк мус со солен карамел или спојот на пуканки со marshmallow, переци, бонбони и чоколади и чоколадна табла, чиј рецепт ви донесуваме подолу:
Подготовка:
250 г темно чоколадо
250 г бело чоколадо
разни додатоци по желба: бонбони, переци, кикирики, семки, пуканки, бисквити и слично
Стопете го чоколадото на пареа во посебни садови. Потоа подгответе го послужавникот со хартија за печење и истурете го прво темното, а потоа и белото чоколадо, а потоа користете чепкалка за таканаречен мраморен ефект. Додатоците по желба ставете ги во смесата додека е уште течна за да се зацврсти добро. Причекајте малку да се олади, а потоа држете го во фрижидер до две часа. Кога чоколадото ќе стане цврсто, скршете ја плочата на помали парчиња.
Добар апетит!