Има такви кои работат од дома опуштени и се многу продуктивни, а и оние на кои им е тешко да најдат мотивација и да се организираат, што предизвикува дополнителен стрес.
Според истражувањето за 2018 година спроведено од американскиот универзитет Бајлор, работата од дома не е за сите. Посоодветно е за оние кои имаат одредени карактеристики. Имено, научниците откриле дека тоа им одговара на повеќето независни, како и емоционално стабилни лица.
Тие дошле до заклучок дека работењето од дома кај такви лица ја зголемува продуктивноста и го намалува стресот.
Покрај тоа, луѓето кои работат од дома јадат поздраво и полесно постигнуваат рамнотежа помеѓу работата и приватниот живот. Здравата исхрана, поголема флексибилност, повеќе време поминато со семејството, им помагаат да се чувствуваат помалку стресно и посреќно.