Состојки:
15гр квасец
2 јајца
кора од лимон
300 мл млеко
1 кафена лажичка шеќер
650-700гр брашно
малку сол
крем за полнење
Подготовка:
Искршете го квасецот во малку млако млеко со шеќер и оставете го да надојде. Додадете го остатокот од млекото и јајцата и изматете со жица. Додадете кора од лимон, брашно, сол и замесете меко тесто.
Покријте го тестото и оставете го на собна температура да надојде. Подмачкајте ја работната површина со малку масло, а потоа ставете го тестото. Развлечете кора со дебелина од 1,5 см.
Исечете ја кората на правоаголници. Ставете 1 лажичка крем на средина, преклопете два пати и добро затворете од сите страни. Наредете во подмачкан послужовник и оставете тестото повторно да надојде околу 15 минути.
Пржете ги во длабоко масло.
На крајот поросете ги со шеќер во прав и ванилин шеќер.