Своевремено во јавноста одекна веста за наводниот вонбрачен син на Здравко Чолиќ
Здравко Чолиќ е легенда на поп музиката, која доминира во целиот регион и пошироко. Иако на Евровизија настапуваше во далечната 1973 година со песната „Гори ватра“, евровизиските фанови од целиот свет сè уште внимателно ја следат неговата работа.
Многумина во Србија го познаваат пејачот Амир Казиќ Лео по дуетот „Крени“ кој го направи со Северина Којиќ. Неодоливо потсетува на Здравко Чолиќ, а некои на шега велат дека тој е непризнатиот син на легендарниот Чола, поради неговата неверојатна сличност.
Но, и покрај тоа што се покажа дека нема никаква врска со вистината, за пејачот Амир Казиќ, кој во јавноста е попознат како Лео, сепак често се зборува како непризнаен син на Здравко Чолиќ. Двајцата се запознале во 1998 година, во времето на нивната најголема популарност во Белград, а Лео еднаш се пошегувал.
– Реков дека Чола скапо ќе ме плати, дека ќе барам алиментација за сите овие години. Јас да сум на негово место ќе снимам дует, за да покажам дали навистина сме толку слични визуелно и вокално или не сме. Чола е само 14 години постар од мене и не може да ми биде татко – рекол во една прилика Лео, пренесе порталот „24сата.хр“.
Лео признал и дека на неговите родители малку им пречи тоа што се пишува дека е вонбрачен син на Чола бидејќи тоа на некој начин ги навредува, па додаде:
– Не разбирам зошто Чола молчи, а сите зборуваат за тоа. Јас да сум на негово место ќе го гушнев, ќе се сликав и луѓето ќе замолчеа. Се оградува, а не знам зошто – заклучува Лео.