Стил е нејзиното второ име
Јелена Карлеуша синоќа настапи во Битола. Пејачката е позната по своите настапи со кои никогаш не ја разочарува публиката. Секогаш им приредува спектакл и пее до раните утрински часови.
Не недостигаше добра атмосфера, а она што беше впечатливо е нејзиниот стајлинг. Таа е позната по модните комбинации кои ги воодушевуваат и најстрогите модни критичари. На естрадата е позната како модна икона и како моден идол и на младите и на постарите обожаватели.
Овој пат Јелена се одлучи за сино боди. Оваа многу интересна и необична нијанса на сино ги истакна нејзините очи. Интересен крој кој е невообичаено исечен на колковите. Исто така, она што беше невообичаено беа долгите ракави кои и ги покриваа цели раце и дланките во форма на ракавици. Ова дополнително придонесе за севкупниот впечаток. Таа носеше затворени црни потпетици во форма на плитки чизми кои се врзуваат напред, а вниманието го привлекоа мрежестите хулахопки кои го истакнуваа нејзиниот сексапил.
Карлеуша не навикна на високи стандарди кога е во прашање нејзиното облекување, а оваа комбинација дефинитивно ги оправда очекувањата.