Во финалето на српскиот избор за песна на Евровизија победи песната „Рамонда“ во изведба на Теја Дора. Претставничката беше избрана меѓу шеснаесетте натпреварувачи, врз основа на гласовите на жирито и публиката.
Таа ќе ја претставува Србија на Евровизија во Малме во мај. Второто место го зазеде Бресквица, која исто така беше еден од фаворитите за победа, а на третото место е Зорја.
Насловот на нејзината песна има посебна симболика. Станува збор за цвет со виолетови ливчиња, кој е симбол на Денот на примирјето во Првата светска војна, кој се слави на 11 ноември.
Пред самото финале на натпреварувањето беше многу тензично во обложувалниците. Бресквица со песната „Гнездо орлово“ долго време го држеше првото место, а потоа падна на третото место. Првото место тогаш го зазеде Теја Дора, која и странските фанови на Евровизија ја сметаа за фаворит за победа.
По победата на Теја Дора, на Твитер почнаа да се слеваат реакции. На крајот, некои сѐ уште не се задоволни од победникот, но многумина не го кријат своето воодушевување.
Otkad žiri učestvuje u izboru za pesmu za evroviziju samo Konstrakta je imala solidan plasman i ništa više #rts #beovizija #evrovizija #eurosong #Eurovision #pesmazaevroviziju
— Science Master (@CrzyScientist) March 2, 2024
Ajd sad ovako,realno ni ne pratim pustih cisto da ispratim ovu Beoviziju? Ali 5 diletanata imaju veci uticaj nego svi glasaci(koji su u neku ruku i publika)? I posle mi neko kaze da je ovo fer i posteno?Lopovsko takmicenje #pze #Rts #eurosong
— inspektor (@inspektorblazha) March 2, 2024
Lutkica lepa zaslužila pobedu 👑 #PZE2024 #caosvima #teyadora pic.twitter.com/5rNKOUhiU5
— Kristina (@crvenax) March 2, 2024
Bravooooooo #teyadora Bravooooo #caosvima
— Ona_chica (@Ona_chica) March 2, 2024
Теја Дора или Теодора Павловска е родена 1992 година во Бор во источна Србија. Со музика почнала да се занимава уште како дете, а до сега компонирала и пишувала песни за бројни српски ѕвезди. На 17-годишна возраст заминала во САД да студира музика и години подоцна работела во музичката продуцентска куќа „ARKTKT Publishing LLC“ во Њујорк. Теја Дора е автор и на неколку песни кои се појавуваат во серијата „Јужен ветер“.
Во март минатата година, Теја Дора ја објави песната „Џанум“, која по низа околности стана ултимативен хит на ТикТок. На Јутјуб, таа песна има над 75 милиони прегледи.