Религиите ќе исчезнат до 2041?!

“Религиите ќе исчезнат до 2041 година“, тврди ирскиот психолг Нигел Барбер во своето истражување кое наскоро ќе биде и објавено.

Истражувањето на Барбер се спроведува во 137 држави. Се покажало дека во секоја развиена земја атеизмот е во пораст. Истакнува дека во неразвиените земји како афричките, атеизам воопшто нема. Од друга страна, во развиените европски држави атеизмот е во пораст. Барбер вели дека во Шведска 64% од населението се атеисти, во Данска 48%, Франција 44%, Германија 42%.

Антрополозите сметаат дека религијата е средство кое на луѓето им помага да излезат на крај со егзистенцијалната несигурност. Барбер верува дека оваа теза е точна.

Социјалниот развој според Барбер со тек на време сосема ќе ја истисне религијата во корист на атеизмот. Барбер предвидува дека религиозноста би требало да исчезне во наредните 30 години.