Се очекува Африка до 2050 година да има 1,23 милијарди луѓе. Од нив 60 отсто ќе живеат во градови, било наведено во извештајот на Агенцијата на Обединетите Нации за човечки населби. Африка е континент кој најбрзо се урбанизира. Годишниот раст на населението во градовите е 3,14 отсто. “Ниедна африканска влада не смее да ја занемари брзата урбанизација“, рекол во средата извршниот директот на агенцијата на ОН за населби Џон Клос. Според извештајот за 2010 година, Лагос, Нигерија до 2015 година ќе го надмине Каиро, кој е најголем град во Африка со 12,4 милиони жители.
Извор: Нетпрес