Антонио Касано ќе плати 5 милиони евра, за да се пресели во редовите на Милан. Антонио Касано најверојатно ќе плати 5 милиони евра на Реал Мадрид, како би го решил својот статус и од Сампдорија би преминал во редовите на Милан. Претседателот на Реал, Флорентино Перез не сака да ја симне оваа сума, а Милан е дециден и нема да ја плати оваа одштета. Италијанските медуими тврдат дека овој 28-годишен играч е подготвен да замине од Сампдорија и да се пресели во Милан, па така е подготвен самиот да ја плати сумата од 5 милиони евра. Подпретседателот на Милан, Адријано Галијани изјави дека Милан нема пари за да му плати на Реал. Договорот на Касано со Сампдорија сеуште не е раскинат, но му е намалена платата за 50 %, па така неговиот агент Бепе Боко преговара со сите три клуба околу условите. Во петокот Касано во едно телевизиско шоу, го носеше дресот на Милан и изјави : “Кој е тој што не би сакал да игра за Милан?”
Извор: Нетпрес