СДСМ: Општонароден марш на 4 декември

На четврти декември, сабота во 13.00 часот, СДСМ ќе организира општо–народен протестен марш во Скопје за одбрана на иднината на Македонија, најави денес лидерот на партијата Бранко Црвенковски. “Марш за слободата и демократијата. Марш за правдата и вистината. Марш за достоинството и иднината. Синоќа видовме дека можеме да бидеме заедно, да бидеме единствени и Македонци и Албанци, и Срби и Турци, Роми, Власи и Бошњаци! СДСМ ја дава оваа иницијатива ама не ја присвојува, СДСМ ќе помогне во организацијата ама однапред велиме дека овој протестен марш ќе биде општонароден“, рече Црвенковски во својата изјава пред медиумите. Тој рече дека Македонија е киднапирана држава од еден човек и неговата фамилија, а останатите два милиони граѓани се нивни заложници.

Извор: Нетпрес