Жена од Канада бара волонтери кои патуваат низ светот, со цел да ја носат пепелта на нејзините покојни родители, пишува Оринџ. Деб Грин (45) од Ванкувер изјавила дека родителите во животот не биле во можност да патуваат низ светот, па на овој начин сака да им ги исполни нивните нереализирани соништа. Таа објавила оглас каде бара доброволци кои би сакале да ги земат и нејзините родители кога патуваат низ светот.
Таткото Вилијам Грин починал во 1994 година, а нејзината мајка Алис починала во јуни 2011 година. Отсекогаш сакале да ја посетат Англија, од таму потекнувале нивните родители, а потоа Австралија и други земји.
– Би сакала даго прпатуваат целиот свет. Тоа би било идеално. Добив неколку понуди и луѓето веќе ми испратија фотографии каде се гледа како ја истураат пепелта на разни локации низ светот. Веќе пепелта е истурена во Париз кај Ајфеловата кула и во фонтаната во Лас Вегас, изјавила Деб.