Арнолд Шварценегер ја моли својата сопруга Марија Шрајвер за прошка и шанса да се спаси бракот.
Поранешниот гувернер на Калифорнија жали за сè што направил и верува дека може да се спаси бракот кој траел цели 25 години. Да потсетиме дека Марија пред извесно време објави дека ќе се разведе од познатиот глумец, бидејќи тој и признал дека имал афера со нивната слугинка и дека има 14 годишно дете со неа.
Авторот на биографијата за Арнолд Шварценегер, Иан Халперин тврди дека тој бил “буквално во солзи на очите и молел на колена да му опрости за се. Тој од Марија бара втора шанса.
Ако им се верува на медиумите, Марија Шрајвер е конечна во својата одлука, и планира да поднесе документи за развод веќе следната недела.