Ако не сте љубители на хемиските третмани за белење на забите или сметате дека можеби се штетни , постојат и природни начини како да ги одржувате забите бели. Во врска со стоматолошките третманите има поделени мислења, едните сметаат е дека не им штети на забите, а другите дека ја оштетува глеѓта и дека ги прави забите осетливи . Со сигурност можам да ви потврдам за една паста која ја има кај нас на пазарот дека во моментот дава резултати , но забите ми станаа осетливи на топло и ладно а никогаш пред тоа не сум го имала тој проблем.За блескава насмевка конзумирајте овошје и зеленчук кој ги чисти забите како карфиол, моркови, боранија, целер, јагоди и портокал , со самото џвакање на овие намирници се чисти површината на забот и се активира плунка која ја неутрализира киселината.Млечните производи со високо ниво на калциум ги одржуваат забите здрави и бели, а особено тврдите сирења го имаат моментот на пилинг за површината на забите.
