Берлускони никаде не излегува без шминка!
Ова го потврдило и неодманешното гостување на италијанскиот премиер на еден гала прием, каде тој ја избриша потта со марамче од неговто чело, но и подебел слој пудра од неговото лице. На Берлускони веројатно му беше топло, па уште неколку пати го избриша челото, а белото марамче остана валкано од шминката.
Ова не е прв пат италијанската јавност да види дека нејзинот прв човек нанесува шминка на своето лице. За потсетување, новинарката од Њујорк Тајмс, Аријел Леви, откри дека Берлускони користи повеќе козметички препарати од некои жени, а први на листата биле пудрата и моливот за очи. Таа изјавила дека се разочарала кога го видела во живо.
„Низок е, очите ги црта со молив, а на лицето има премногу пудра. Тој не изгледа како млад човек од 74 години, туку како истрошен човек на 74 години“, напишала таа.