Двајца поранешни колеги кои глумеа лекари во серијата “Ургентен центар”, Џорџ Клуни и Ноах Вајл, се борат за истата улога. И двајцата сметаат дека совршено одговараат за улогата на неодамна починатиот основач на Apple, Стив Џобс. Филмот за Стив Џобс ќе започне да се снима следната година.
50-годишниот Клуни е дефинитивно поголема ѕвезда и ги има приближно истите години како Џобс кога почина од рак на панкреасот – на возраст од 56 години. Иако годините може и да му отежнат во добивање на улогата на амбициозниот Клуни, бидејќи потешко ќе може да го одглуми Џобс во млади години. Поради тоа предност можеби ќе има 40-годишниот Вајл, на кого во прилог му оди и веќе одиграната улога во филм за Стив Џобс во 1999 година. Вајл за еден американски магазин изјави дека Џобс бил воодушевен од неговата улога во филмот и му признал:”Изгледаше како мене”.
httpv://www.youtube.com/watch?v=TIClAanU7Os