Најновата студија покажува дека дневното консумирање на чај од камилица во комбинација со оброци од здрава храна, го зајакнува имунолошкиот систем, штити од инфекции и ги ублажува менструалните болки.
Во студијата што ја спроведоа научниците од Кралскиот колеџ во Лондон учествувале 14 лица (7 мажи и 7 жени) кои во текот на две недели секој ден пиеле по пет чаши чај од камилица. Откриено е дека пиењето чај резултирало со зголемено ниво на хипурат во мочта, продукт за разградување на фенолот кој има зголемена антибактериска активност. Тоа може да биде објаснувањето поради што чајот од камилица го јакне имунолошкиот систем и се бори против инфекциите поврзани со појавата на настинки.