Претседателот на Венецуела, Хуго Чавез (57), изјавил во петокот во Каракас дека се чувствува одлично по третата хемотерапија. Облечен во маслинесто-зелена униформа покажал разни вежби каде се гледало дека е во добра форма. Видно расположен ги поздравувал луѓето низ улиците на Каракас. Тој изјавил дека минатата недела веќе почнувал да добива на тежина, а во саботата ги направил и последните лекарски контроли.
Се уште не знаеме дали ќе треба и четврт циклус на хемотерапија. Ќе видиме наскоро, но секој ден се чувствувам се подобро, изјавил Чавез, кој во јуни на Куба бил опериран од тумор, а потоа направил и две хемотерапии, пишува Вашингтон Пост.