Чилеанските рудари, кои беа заробени под земја во рудникот за бакар и злато во Сан Хозе, Чиле, влегоа во Гинисовата книга на рекорди како група на луѓе кои успеале најдолго да преживеат заробени под земја.
Чилеансите рудари беа заробени под земја цели 69 дена на длабочина од 688 метри откако беа затрупани на 5 август 2010 година. Повеќе од два месеци подоцна, рударите беа извлечени на 13 октомври 2010 година. За нивното спасување најпрво беше избушена дупка, а потоа еден по еден рударите беа извлекувани со капсула.
Сите 32 рудари од Чиле и 1 рудар од Боливија, освен исцрпеноста, беа во добра општа здравствена состојба и добија втора шанса за живот.