Германски историчари започнале жестока дебата за тоа дали треба да се отвори шишето вино старо дури 1650 години, кое стои во музејот „ Pfalz“ веќе половина век.
Се верува дека ова е најстарото шише со вино во светот, а запечатено и затворено е со восок.
Шишето е откриено во 1867 година, а го анализирале хемичари за време на првата светска војна.
„Не сме сигурни дека виното ќе може да го поднесе шокот кога ќе се сретне со воздухот. Се уште е во течна форма“, изјавил кустосот на музејот Лудгер Текампе, а професорката Моника Кристман го дала своето мислење.
„Микробиолошки гледано, виното веројатно не е расипано, но сигурно не е ни вкусно“, изјавила професорката.
Дел од вработените во музејот мислат дека шишето со вино треба да се отвори поради понатамошни и нови научни анализи и истражувања, но не се сигурни како би реагирало доколку се отвори.