Актерката Џесика Алба позирала за насловната страна на магазинот Latina и во интервјуто за магазинот открила дека ужива во бременоста. Алба е во брак со продуцентот Cash Warren со кој веќе има три-годишна ќерка, и сега заедно со нетрпение очекуваат принова.
“За време на мојата прва бременост, секој момент ми беше застрашувачки, не знаев што ме чека и постојано бев загрижена дали бебето е добро и дали дише. Сега веќе се ми е познато и повеќе немам таков страв “, изјавила актерката.
Усогласувањето на бизнис обврските со приватниот живот сега веќе не и се проблем. Таа признала дека за семејството секогаш би одбила бизнис понуди.
‘Ја сакам мојата работа, но не сакам да бидам подалеку од моите деца. Ниту една понуда не е вредна како децата. Работата повеќе не е единственото нешто што го имам во мојот живот “, изјавила Џесика.