Џорџ Клуни деновиве има љубовни маки, бидејќи неговата партнерка Стејси Киблер не е со него на филмскиот фестивал во Венеција.
Остуството на Стејси само го разгорело срцето на познатиот холивудски шармер кој, според изјавите на неговите блиски пријатели, се што сака е да ја види својата сакана барем на кратко пред да замине на филмскиот фестивал во Торонто.
Двојката ја започна својата врска неодамна, но според пријателите на Клуни, љубовта е навистина интензивна. Стејси, која е поранешен натпреварувач во емисијата „Танц со ѕвездите“, воопшто не сака да коментира за својата врска со познатиот актер.
„Луѓето кои ме познаваат знаат дека може да се прилагодам на секоја ситуација. Можам да кријам тајни од пријателките, но и да пијам пиво со пријателите. Секогаш сум среќна“, изјавила актерката која не сакала да каже ни едно зборче за нејзината нова љубов.
Ако се вистина гласините дека Клуни е „заљубен до уши“ останува да му посакаме што побрзо да застане на „лудиот камен“ и да се откаже од титулата „вечен ерген“.