Холивудскиот заводник, Џорџ Клуни, им призна на американските медиуми дека неговата девојка Стејси Кајблер може да го претепа. Во случај да дојде до физичка пресметка помеѓу нив двајца, Џорџ смета дека не би имал големи шанси: „Таа е многу висока. Како од шега може да ме истепа”.
Ѕвездата на филмот „Тhe Ides of March”, се пошегува и на сметка на кариерата на својата нова девојка. Стејси Кајблер е поранешна професионална борачка, позната како „Super Stacy” и Џорџ тврди дека би го „средила во два потези”. Глумецот веројатно е во право бидејќи новата девојка во борачките кругови е позната по своето кроше.
Педесетгодишниот Џорџ и 18 години помладата Стејси се гледаат неколку месеци, откако Клуни во август ја прекина долгогодишната врска со италијанскиот модел Елизабета Каналис.