Ивица Дачиќ, министерот за внатрешни работи во Србија, не се појавил на роденденот на Јелена Карлеуша. Иако таа со денови го најавувала неговото доаѓање и за него било резервирано посебно сепаре, сепак Дачиќ не ја пробал нејзината роденденска торта.
Јелена цела вечер го чувала празното сепаре, бидејќи била сигурна дека тој ќе се појави. Дури и дувањето на свеќите го одложила за половина час. Иако од неа се очекувало да биде највесела, ЈК не можела да го скрие нерасположението.
Голем број на новинари биле присутни за да го сликаат министерот на нејзината забава, бидејќи е познато дека тој е близок пријател на нејзината соперничка Цеца Ражњатовиќ. Очигледно дека министерот и останал “верен“ на Цеца, на чии родендени и слави е редовен гостин.