Британската пеачка Ејми Вајхаус во моментот на смртта немала дрога во крвта, покажаа токсиколошките наоди, изјави нејзиното семејство. Славната пеачка почина на 23 јули на 27 годишна возраст, а во последнава година водеше битка со дрогата и алкохолот.
-Тестовите покажа присутност на алкохол, но сеуште не е сигурно дали тоа е причината за смртта- изјави семејството.
Семејството на Ејми сеуште чека заклучок на правосудната истрага која е закажана за октомври.
Иако првите теории говореа за предозирање како причина за смртта на пеачката, нејзиното семејство цврсто тврди дека Ејми се одвикнала од дрога, но признаа дека имла проблеми со алкохолот.