„Обидувајќи се да се детоксицира од алкохол, Ејми се предозирала со силни апчиња за смирување, што најверојатно довеле до мозочен удар“, смета Мич Вајнхаус, таткото на починатата пејачка.
Во првото интервју по смртта на неговата ќерка, која беше пронајдена мртва во нејзиниот стан на 23 јули, Мич објави дека во крвта на Ејми биле пронајдени траги од Либриум, лек кој се користи за потиснување на симптомите на одвикнување од алкохол.
„Се што правеше Ејми, го превеше во крајност. Таа пиеше до крајност и се детоксифицираше до крајност“, изјавил нејзиниот татко.
Пред смртта на пејачката, Мич изјави дека симптомите на детоксификација полега се губат, и дека пејачката се почесто е трезна отколку пијана.
Причините за смртта на Ејми Вајнхаус сеуште не се официјално потврдени. Нејзиното семејство во моментот е посветено на фондацијата Ејми Вајнхаус, која ја основаа за да им помогнат на луѓе кои се борат со зависност од алкохол и дрога.