Ербас А380 го направи својот прв комерцијален лет на релација од Сингапур до Сиднеј во 2007 година, и наскоро сите најголеми аеродроми во светот ќе треба да се преадаптираат за да може да слета овој гигант. Ербас А380 е најголемиот авион во светот, со внатрешни површина од 478 квадратни метри колку што е 49 отсто повеќе од Џамбо џет 747 на компанијата Боинг. Во авионот можат да се сместат помеѓу 407 и 840 патници.
Ербас во својата внатрешност крие приватни апартмани, салони, снек барови, а просторот може да се адаптира во гимнастичарски сали и игротеки. Горниот и долниот дел на авионот се поврзани со две луксузни скалила. Патниците во првата и бизнис класата можат на големи LCD екрани да гледаат филмови, сурфаат на интернет или во специјално опремени апартмани да водат бизнис состаноци.
Ербас А380 е долг 73 метри, а распонот на крилата изнесува речиси 80 метри. Максималната брзина изнесува 985 km / h и може да лета нон-стоп 15,200 км. Тежи 276 тони, и со него управуваат двајца пилоти.
