Oвој модел всушност претставува кабриолет верзија на Ferrari 599 GTB Fiorano. Ferrari SA Aperta за прв пат бил претставен на Париското мотор шоу во 2010 година, како дел од колекцијата во чест на дизајнерите Серџо Пининфарина и Андреа Пининфарина.
Ferrari SA Aperta е специјален модел и затоа биле произведени само 80 автомобили. Сите биле продадени пред да бидат произведени. Ferrari се одлучиле да произведат точно 80 автомобили со цел да ја прослават 80 годишнината на Пининфарина.
Ferrari SA Aperta има 12 цилиндричен мотор со 660 коњски сили. Овој автомобил може да достигне максимална брзина од 325 километри на час, додека брзина од 100 километри на час достигнува за 3,6 секунди. Неговиот ентериер има спортски стил со софистицирана опрема, изгледа уредно и има убави бои.
