Филмот за Хари Потер се очекува да надмине заработка од милијарда долари

Последното продолжение на филмот за Хари Потер – „Хари Потер и реликвиите на смртта 2“ може после викендот да ја надмине заработката од милијарда долари и со тоа да го надмине упехот на преостанатите седум делови на овој серијал, пишуваат денешните странски медиуми.

Филмот до сега има заработено 926 милиони, помалку од првото отварање на „Хари Потер и каменот на мудроста“ од 2001 година, кој кешираше 974,8 милиони долари, па сепак медиумите предвидуваат дека би можел да надмине милијарда долари.

Само девет филмови ја имаат надминато таа цифра, меѓу кои е „Темниот витез“ на Кристофер Нолан (2008, „Алиса во земјата на чудата“ на Тим Бартон (2010) и „Пиратите од Карибите: На чудни плими“ на Роб Маршал (2011).

„Аватар“ на Џејмс Камерон е единствениот филм кој имја заработено повеќе од две милијарди ширум светот.

“Хари Потер и реликвиите на смртта 2“ првиот викенд од претставувањето го собори рекордот заработувајќи 168.5 милиони долари во Велика Британија, додека ширум светот инкасираше вкупно 476 милиони долари.