Страницата Gizomodo.com пренесува дека на сервисот Google Earth неодамна се појавиле фотографии од кинеската пустиња Гоби, на кои се гледаат невообичаени градби.
Градбите, широки и до 1600 километри, смештени се во пустината Гоби, и се во најразлични облици. Засега најголема непозната претсавува „мрежата” која наликува на патна инфраструктура на градот.
Функциите на овие необични пустински градби сеуште не е позната, но постојат многу теории. За една од градбите се тврди дека е тоа е дело на HAARP, но никој не е сигурен дали Кина го користи само за истражувачки цели или тоа е средство за остварување на светска доминација. На крајот на краиштата, ни теоричарите на завери сеуште не се договориле за што точно служи HAARP.
Една од необичните градби е во кружен облик, а на неа може да се забележи и авион. Можеби станува збор за необична авионска порта, но некои се сомневаат дека сепак станува збор за аеродром за вонземјански бродови. Секако, единствен „доказ” за таа теорија е кружниот облик и големината на градбата.
Без разлика што се случува во пустината, дали станува збор за воени бази, вонземјански аеродром или нечија шега, оваа појава си поигра со фантазиите на многумина. Всушност, погледајте некои од сликите превземени од Google Earth.
