Како и многу други холивудски филмски класици, и блокбастерот „Scarface“ посветен на кубанскиот имигрант/мафијаш Тони Монтана, ќе добие свој римејк.
Најпознатата верзија на „Scarface“ беше снимена во 1983 година, а во улога на мафијашот Тони Монтана се појави легендарниот холивудски актер Ал Пачино.
Малкумина знаат дека верзијата од 1983 не е првата верзија на филмот. Всушност, првичната верзија е снимена во 1932 година и била посветена на италијанскиот мафијаш Тони Камонте и била лоцирана во Чикаго. Освен некои детали, приказната е иста како онаа од легендарниот филм со Пачино.
Најновата верзија на овој филм ќе го зачува базичниот концепт, но ќе има своја сопствена приказна. Сеуште не е познато кој ќе го глуми Тони Монтана, но кој и да се нафати на оваа улога ќе има тешка задача да го надмине Ал Пачино, кој буквално го овековечи ликот на кубанскиот мафијаш.