Бади и Педро познатиот пар геј пингвини кој во врска беа повеќе од една година повеќе не се заедно.
Причина за нивното разделување е женка.
Бади и Педро двата пингвина од зоолошката градина во Торонто, кои станаа познати по нивната геј врска раскинале.
Само три дена откако биле раздвоени, Бади започнал романса со една женка по име Фараи, додека Педро со недели е со женката Тандивеј, но таа била незаинтересирана за него.
Како што изјавиле од зоолошката врската на Бади и Педро не била од сексуална природа, туку од социјална, бидејќи пингвините се друштвени животни кои многу се приврзуваат.
Бади и Педро биле раздвоени и ставени со женки само поради фактот дека тие припаѓаат на загрозениот вид африкански пингвини, а размножувањето е единствениот начин за опстанок на овој вид.