Жителите на американските осјузни држави Индијана, Мисури и Кентаки ги сумираат штетите по стравичното невреме, кое изминатава ноќ го погодило нивното подрачје, јавуваат тамошните медиуми, пренесува Нетпрес. Во градот Ингалс, во Индијана, силен ветер срамнил неколку куќи, а неколку останале без покрив, јавува “Ројтерс“, пренесува Нетпрес. Ветерот корнел дрвја, а оштетени биле и локалните улици. Во градот Фишерс невремето предизвикало и поплави, како и во Мисури каде неколку возачи поради надојдената вода заглавиле на улиците во своите автомобили. Зголемувањето на нивото на водата помогнало во топењето на снегот. Синоптичарите најавиле дека доколку олујата продолжи постои голема опасност и од торнадо.
Извор: Нетпрес