Македонската кошаркарска репрезентација и донесе огромна радост на целата држава, победувајќи ја Грција со 72-58. Нашите момци убедливо го совладаа јужниот сосед, и така се на чекор поблиску до следната фаза.
Најдобар играч на натпреварот убедливо беше Лестер Бо Мекејлеб. Тој постигна 27 поени, имаше 4 скока и 4 асистенции. Покрај него за победата придонесоа и капитенот Перо Антиќ, кој постигна 12 поени и имаше 8 скокови, како и Ѓорѓи Чековски кој постигна 11 поени, но и прикажа многу добра игра во одбраната.
Првата четвртина помина со изедначена игра, со добра игра во одбраната од двете репрезентации. На крајот на четвртината Грција имаше минимално водство од 18-16.
На почетокот на втората четвртина Грција поведе со 21-16, меѓутоа Македонија не потклекна, возврати, и на полувреме се замина со водство за нашата репрезентација од 30-29.
Третата четвртина беше исто така изедначена. По лошиот старт, Македонија успеа крајот на четвртината да го заврши со 3 поени предност, најмногу заблагодарувајќи на играта на Бо Мекејлеб.
Како и да е, во последната четвртина експлодиравме. Бо Мекејлеб продолжи да го полни грчкиот кош, а згора на се грците брзо излегоа од бонусот. Потоа, мудро, нашата игра одеше преку Бо, кој знаеше да изнуди прекршоци, и на крајот имаше 12 постигнати поени од линијата за слободни фрлања. Во еден момент имавме и 16 разлика, но сепак на крајот натпреварот заврши со 72-58.
Македонија денес игра против Финска во 14:30. Со среќа момци.