Група хакери собрани за кампањата AntiSec, кои се членови на групата Anonymous и индивидуални хакери неодамна се собрале под името Lulz Security, тврдат дека го хакирале серверот на Apple.
Во документот кои го објавиле вчера тие наведуваат дека дошле во владение на 26 администраторски лозинки и кориснички имиња, благодарение на пропустите на серверот на компанијата Apple.
Од компанијата несакале да ги коментираат овие тврдења, пренесува Wall Street Journal.
Anonymous на својот Twitter профил им порачал на луѓето да не се грижат, бидејќи иако Apple бил мета, тие сега се зафатени со други работи и нема да ги компромитираат податоците.