Маџид С. (29) и неговата девојка Кетрин М. (43) во вторникот жестоко се испокарале во стан во Хамбург. Мажот, кој е со потекло од Иран, уништувал и кршел се пред себе во нивната заедничка соба. Кога нејзината мајка, Маргит М (65) се обидела да го смири, тој ја удрил. Некој од соседите повикал полиција која му наредила на Маџид веднаш да го напушти станот, и следните 10 дена му било забрането да се враќа во него.
Маџид забраната не ја почитувал и уште истата ноќ, повторно се вратил во станот, ја скршил влезната врата и со секира ја нападнал девојката и нејзината мајка. Тој ги испосекол и им нанел бројни повреди по телото. Повторно пристигнала полиција и го уапсила Маџид, пишува Билд. Повредените веднаш биле пренесени во болница, и нивниот живот не бил во опасност.
