Милански Интер стапи во преговори со Реал. Управата на италијанскиот клуб се надева дека преговорите ќе завршат на начин што Бразилецот Кака ќе се пресели во нивниот клуб.
Почетната понуда со која се отворени преговорите, пишува шпанска “Марка”, пренесува “СпортНет”, изнесува 30 милиони евра. “Марка” додава дека во Мадрид очекуваат од евентуланата продажба на бразилскиот репрезентативец да заработат сума не помала од 40 милиони евра.
Кака има договор со Реал до летото 2015. година. Во клубот стигна од Милан 2009. година во трансфер вреден околу 67 милиони евра.
Милан, Челзи, Манчестер Сити, Сао Паоло и Коринтијанс се споемнуваа како негови можни следни дестинации, но за сега, во преговори, влезе само Интер.
Извор: Нетпрес