Сексот на јавно место за некои претставува табу тема, но за некои е вистинско уживање и возбуда. Некои луѓе едноставно се возбудуваат од помислата дека некој може да ги фати како имамат секс, односно сексот на јавно место за нив претставува вистински фетиш.
Кабина за пресоблекување: Гардеробите, односно кабините за пресоблекување се ризично, но изводливо место за секс во јавност. Изберете некоја продавница каде е дозволено партнерот да влезе со вас во гардеробата, бидете внимателни и уживајте во еден секс на брзинка.
Библиотека или читална: Ќе се зачудите колкав број на студенти имале секс во библиотека или читална. Доколку сте студент сигурно ги знаете оние делови каде никогаш никој не оди. Најважно од се е да бидете тивки, бидејќи тоа сепак е златното правило на библиотеките.
Балкон: Ова можеби е најдобриот избор. Доколку сакате предизвици, сексот на балкон е вистинскиот избор за вас. Може да се потпрете на оградата и да уживате, само внимавајте на соседите!
WC: Многу луѓе се згрозуваат од помислата да имаат секс во WC, бидејќи ги асоцира на нечистотии, бактерии и смрдеа. Сепак, сексот во тоалетот на некој елитен ресторан или хотел, каде е беспрекорно чисто, можеби и не е така лоша идеја…
Автомобил: Класика кога станува збор за секс на јавно место. Огромен број на луѓе имале секс во автомобил, особено заради фактот дека немале друг избор. Доколку сакате предизвик, изберете некое место далеку од љубопитните очи и направете го тоа на хаубата од автомобилот.
И на крај, мало предупредување. Бидете внимателни со своите секси лудории, бидејќи денес сите имаат мобилни телефони со вградени камери и многу лесно вашата авантура може да се најде на интернет!