Ланецот на пицерии „Domino’s Pizza” открил навистина оригинален начин да ги придобие корисниците на iPad, со надеж дека ќе продаде и некоја пица повеќе. Тие креирале апликација која ви овозможува направите пица на екранот на својот iPad, а потоа истата да ја нарачате.
Се работи всушност за игра која симулира искуство на месење тесто, ставање на кечап, кашкавал, шунка и печурки, а на крајот доаѓа и сечење на пицата (доколку сакате пицата да ви дојде исечена на парчиња).
Целта на играта е да направите пица што е можно побрзо, за да ја имитирате работата на пица мајсторите од Domino’s Pizza. Така првото од петте нивоа на играта е наречена „Pizza School”, но кога ќе стигнете до шестото ниво вашите резултати се темелат на оценки на останатите играчи во играта, исто како и симулираната верзија на Domino’s Tracker, односно електронското видео на Time Square, кој во реално време ги прикажува коментарите на купувачите на Domino’s Pizza.
Така, играчите може да се натпреваруваат помеѓу себе, а листата со бодови може да ја споделат со своите пријатели на Facebook и Twitter.
Играчите исто така може да кликнат на „Make An Order” и да ги нарачаат своите единствени креации на пица преку Dominos.com. Огласувачката агенција која ја смислила оваа игра/апликација, Crispin Porter + Bogusky, вели дека сепак постојат некои ограничувања на тоа каков вид на пица можете да нарачате, на пример, не можете да нарачате пица во облик на Флорида или не можете да добиете пица која само до пола е премачкана со кечап.
Сепак, се останато е можно. Ова е веројатно првата игра за iPad од ланците на пицерии, иако не е прва апликација за нарачување пица. Освен овој натпреварувачки елемент, тука е и таканаречениот „IKEA ефект”. Имено, луѓето имаат природна тенденција самите да ги креираат работите кои подоцна ќе ги користат. Исто така, обично тие работи кои сами ќе ги направат подоцна се спремни да ги купат и за повисока цена.
Всушност, и сами погледнете како изгледа еден примерок на пица од Domino’s:
http://www.youtube.com/watch?v=NVyIslpS87Y&feature=player_embedded