Apple би можел iPhone 5 и iPad 3, кои ќе може да се поврзат на LTE мрежата, односно идната генерација на мобилни мрежи, да започне да ги продава во Јапонија во текот на идната година.
Според најновите гласини, за кои пишуваат скоро сите најголеми технолошки блогови на интернет, iPhone 5 и iPad 3 LTE од идната година ќе бидат достапни на мрежата на најголемиот јапонски мобилен оператор NTT Docomo.
Nikkei Business известува дека новата генерација на уреди на Apple – смарт телефони и таблети – ќе бидат готовои за пазарите идната година, и тоа iPhone на есен, а iPad на лето.
NTT DoCoMo е најголемиот јапонски мобилен оператор, но досега немал можност да го додаде iPhone на својата мрежа бидејќи компанијата не успеала да постигне договор со Apple.
Засега само јапонските оператори Softbank и KDDI го имаат во своите понуди iPhone, а поради големата побарувачка двете мрежи забележаа голем успех со мобилните телефони на Apple.